ສະໜອງພະລັງງານ ທີ່ຍືນຍົງ ໃຫ້ແກ່ປະຊາຊົນ

ເຂື່ອນໄຟຟ້ານ້ຳງຽບ 1 ເປັນໂຄງການຜະລິດໄຟຟ້ານ້ຳຕົກຂະໜາດ 290 ເມກາວັດ ທີ່ກຳລັງດຳເນີນງານຢູ່ໃນແຂວງບໍລິຄຳໄຊ ແລະ ໄຊສົມບູນ ຂອງ ສປປ ລາວ. ໂຄງການດັ່ງກ່າວດຳເນີນການໂດຍບໍລິສັດໄຟຟ້ານ້ຳງຽບ 1, ເຊິ່ງມີເປົ້າໝາຍເພື່ອສ້າງໂຄງການຜະລິດໄຟຟ້າທີ່ມີຄວາມຮັບຜິດຊອບຕໍ່ສັງຄົມ ແລະ ສິ່ງແວດລ້ອມ ເຊິ່ງຈະສະໜອງໄຟຟ້າໝູນວຽນທີ່ສະອາດ ແລະ ປະກອບສ່ວນເຂົ້າໃນການຫຼຸດຜ່ອນຄວາມທຸກຍາກໃນລາວ. ເຂື່ອນ ແລະ ສະຖານີໄຟຟ້າທັງສອງແຫ່ງໄດ້ຖືກສ້າງຂຶ້ນຕາມແຄມແມ່ນ້ຳງຽບ ໃນແຂວງບໍລິຄຳໄຊ.

ຜ່ານການຮ່ວມມືຢ່າງໃກ້ຊິດກັບອົງການຈັດຕັ້ງ, ເຂື່ອນນ້ຳງຽບ 1 ໄດ້ຈັດສັນພື້ນທີ່ໃຫ້ແກ່ປະຊາຊົນທີ່ໄດ້ຮັບຜົນກະທົບຈາກໂຄງການໃນປີ 2018 ຢ່າງສຳເລັດຜົນ ແລະ ປະຈຸບັນກຳລັງພັດທະນາ ແລະ ສະໜອງໂຄງການພັດທະນາການດຳລົງຊີວິດເພື່ອປັບປຸງສະພາບຄວາມເປັນຢູ່ຂອງປະຊາຊົນໃຫ້ດີຂຶ້ນ.