NamNgiep1 Logo
right view

Main Dam

DCIM100MEDIADJI_0070.JPG

Roller Compacted Concrete Plant Facility

main dam

General view of Main Dam

spill pipe

Penstock at Mian Dam and Powerhouse

rr_top

Re-regulation Dam and Power Station

HSRA_20170206

Houaysoup Resettlement Village

livelihood

Handicraft Training at Tha Hua Village, Bolikhan District, Bolikhamxay Province


ຍີນດີຕ້ອນຮັບເຂົ້າສູ່ ໂຄງການ ໄຟຟ້ານຳ້ງຽບ 1

 

ໂຄງການ ໄຟຟ້ານ້ຳງຽບ 1 ແມ່ນ ໂຄງການໄຟຟ້າພະລັງນ້ຳທີ່ມີຂີດຄວາມສາມາດໃນການຜະລິດກະແສໄຟຟ້າ 290 ເມກາວັດ ທີ່ພວມຢູ່ໃນການກໍ່ສ້າງ ຢູ່ແຂວງ ບໍລິຄຳໄຊ ແລະ ແຂວງໄຊສົມບູນ ຂອງ ສ.ປ.ປ. ລາວ ໂດຍພາຍໃຕ້ການດໍາເນີນງານ ຂອງບໍລິສັດ ໄຟຟ້ນ້ຳງຽບ 1 ຈຳກັດ ເພື່ອຜະລິດພະລັງງານທີ່ສະອາດ, ຮັບຜິດຊອບຕໍ່ສັງຄົມ ແລະ ສິ່ງແວດລ້ອມ ໂດຍມີຈຸດເປົ້າໝາຍເພື່ອສະໜອງພະລັງງານທົດແທນທີ່ສະອາດ ແລະ ປະກອບສ່ວນ ເຂົ້າໃນການຫຼຸດຜ່ອນ ຄວາມທຸກຍາກໃນ ສ.ປ.ປ. ລາວ.

ເຂື່ອນໄຟຟ້າສອງເຂື່ອນ ແລະ ເຮືອນຈັກໄຟຟ້າສອງເຮືອນແມ່ນພວມຢູ່ໃນໄລຍະການກໍ່ສ້າງທີ່ແມ່ນໍ້າງຽບ  ທີ່ແຂວງບໍລິຄຳໄຊ. ເຂື່ອນຫຼັກເມື່ອສ້າງສຳເລັດຈະມີຄວາມສູງ 167 ແມັດ ແລະ ຈະສ້າງອ່າງເກັບນໍ້າທີ່ຈະກວມເອົາເນື້ອທີ່ປະມານ  67 ກິໂລຕາແມັດ ແລະ ຍັງຂະຫຍາຍໄປຮອດແຂວງ ໄຊສົມບູນ. ປະຊາຊົນ 4000 ຄົນ ສ່ວນໃຫຍ່ ແມ່ນ ຊົນເຜົ່າມົ້ງ ຈະຖືກຍົກຍ້າຍຈັດສັນໄປຢູ່ເຂດບ້ານຈັດສັນຫ້ວຍສູບຂອງໂຄງການທີ່ແຂວງບໍລິຄຳໄຊ.

ເຮືອນຈັກໄຟຟ້າທີ່ເຂື່ອນຫຼັກຈະຜະລິດກະແສໄຟຟ້າ 272 ເມກາວັດ ເພື່ອຂາຍສົ່ງອອກໃຫ້ປະເທດໄທ ແລະ ຈະປ່ອຍນໍ້າລົງສູ່ອ່າງເກັບນ້ຳຂອງເຂື່ອນທີສອງ ເອີ້ນວ່າ ເຂື່ອນດັດສົມນ້ຳ. ເຮືອນຈັກຂອງເຂື່ອນດັດສົມນໍ້າຈະສາມາດຜະລິດກະແສໄຟຟ້າໄດ້ 18 ເມກາວັດ ເພື່ອຊົມໃຊ້ພາຍໃນທ້ອງຖິ່ນ. ເຂື່ອນດັດສົມນ້ຳ ຈະຄວບຄຸມການປ່ອຍນ້ຳໃຫ້ສະໝ່ຳສະເໝີ ເພື່ອຫຼຸດຜ່ອນການເຊາະເຈື່ອນທີ່ສາມາດເກີດຈາກການໄຫຼຂອງນ້ຳໃນເຂດລຸ່ມເຂື່ອນ.

ບໍລິສັດ ໄຟຟ້ານ້ຳງຽບ 1 ຈໍາກັດໄດ້ເຮັດວຽກຮ່ວມກັບປະຊາຊົນ ແລະ ອໍານາດການປົກຄອງທ້ອງຖິ່ນ ເພື່ອສ້າງເຮືອນໃໝ່ທີ່ມີຄຸນນະພາບສູງ, ແລະ ສິ່ງອຳນວຍຄວາມສະດວກ ສໍາຫຼັບປະຊາຊົນທີ່ຈະຖືກຍົກຍ້າຍມາທີ່ບ້ານຈັດສັນຫ້ວຍສູບ ພ້ອມທັງ ສ້າງແຜນງານເພື່ອປັບປຸງຊີວິດການເປັນຢູ່ ສໍາຫຼັບປະຊາຊົນທີ່ຖືກກະທົບໂດຍກົງຈາກໂຄງການ. ກະລຸນາກົດບ່ອນນີ້ ສໍາຫຼັບ ລາຍລະອຽດຕ່າງໆຂອງແຜນງານທາງດ້ານສັງຄົມຂອງໂຄງການ.

ການປົກປັກຮັກສາສິ່ງແວດລ້ອມມີຄວາມສຳຄັນຕໍ່ຜົນສຳເລັດໃນໄລຍະຍາວຂອງໂຄງການ ສະນັ້ນບໍລິສັດໄຟຟ້ານ້ຳງຽບ 1 ຈຳກັດ ຈຶ່ງໄດ້ຕັ້ງຫ້ອງການສະເພາະໃນການບໍລິຫານສິ່ງແວດລ້ອມເພື່ອຮັບປະກັນ ແລະ ເຮັດໃຫ້ຜົນກະທົບຂອງໂຄງການມີໜ້ອຍທີິ່ສຸດ ພ້ອມທັງປະກອບສ່ວນເຂົ້າໃນການປົກປັກຮັກສາ ແລະ ປູກຈິດສໍານຶກດ້ານການອະນຸລັກສິ່ງແວດລ້ອມໃນລະດັບຊາດນຳອີກ. ກະລຸນາກົດກບ່ອນນີ້ສຳຫຼັບແຜນງານທາງດ້ານສິ່ງແວດລ້ອມຂອງໂຄງການ.